Аструктуреи уи арртәарҭеи реиҭашьақәыргылара азы аӡбамҭа идикылеит Аҳәынҭқарратә ахьчаратә Маҵзура аиҳабы Дмитри Дбар. Уи Аҳәынҭқарратә ахьчаратә Маҵзура иҷыдоу адҵақәа рынагӡаразы аотриад аусура иаҵоу аҵакы ахадара дазааҭгыло, иарбоу аструктура аганахьала ҷыдала адисциплинатә хыдҵақәа шаарԥшхо инаҵшьны иазгәеиҭеит.

Аҳәынҭқарратә ахьчаратә Маҵзура аиҳабы иарбоу ацентр аҿы иҷыдоу адҵақәа рынагӡаразы аотриад аруаа маха-шьахалатәии арратәи аҽазыҟаҵарақәа рахысреи рморалтә шьақәгылара аҩаӡара ашьҭыхреи рзы иманшәалоу аҭагылазаашьақәа аԥҵоуп ҳәа иҳәеит.

Ҩ-еихагылакны иҟоу ахыбра аҿы арратә ҟәшақәа рнапхгаратә еилазаара ндырхалоит, араҟа иара убас Аҳәынҭқарратә ахьчаратә Маҵзура иҷыдоу адҵақәа рынагӡаразы аортиад аруаа ртеориатә, рыпрактикатә, рыбҩарҵәыратә ҽазыҟаҵарақәа  ирызку ауадақәеи, иара убас ашьҭаларҭатә ҭыԥқәеи акрыфарҭақәеи ыҟоуп.