Арезервистцәа абџьар ахархәараҟны рԥышәа еиздырҳауан Алада Ешыра ахысрадәы аҿы. Инарҭбаау атеориатә инструктаж ашьҭахь урҭ аԥышәатә хәҭа ахь ииасит.

Аҽазыҟаҵарақәа мҩаԥысуан атәылауаа аибашьра разыҟаҵареи арратә ҽеизакра разхиазаара аиӷьтәреи рзы аусҩаԥгатәқәа рҳәаақәа ирҭагӡаны.

Аҳәынҭқарратә ахьчаратә Маҵзура аиҳабы Дмитри Дбар  иажәақәа рыла, ари аҩыза аҽазыҟаҵарақәа еиҳа алҵшәа рымоуп урҭ анымҩаԥысуа  аҭагылазаашьа аибашьратә ҟазшьа ананыԥшуа.