Аҳәынҭқарратә ахьчаратә Маҵзура аԥҵоуижьҭеи 31 шықәса ҵуеит. Ари аамҭа иалагӡаны уи аусзуҩцәа рыла Аԥсны аҳәынҭқарра аҭоурых ианылеит имаҷымкәа ихьӡырҳәагоу адаҟьақәа.

Азанааҭдырра ҳаракы, иҷыдоу аҭагылазаашьақәа рҿы русуралшара, рнапы злаку аусура гәык-ԥсыкала азнеиреи рмаҵзура иаҵоу аҵакы ахадара аилкаареи рыла иалукаауеит Аҳәынҭқарратә ахьчаратә маҵзура аусзуҩцәа. 

Аԥсны аҳәынҭқарратә ахьчаратә Маҵзура аусзуҩцәеи афицарцәеи иҷыдоу амиссиа нарыгӡоит – аҳәынҭқарреи атәыла анапхгареи ршәарҭадара уақәгәыӷыртә еиԥш аиқәыршәарала рмаҵуратә хыдҵақәа ҭакԥхықәрала анагӡара. Шәзанааҭтә ныҳәа азы Аԥсны Аҳәынҭқарреи ажәлари рыхьчара иазку набыцарак згым шәусура азы иҭабуп ҳәа шәасҳәарц сҭахуп.

Ишәзеиӷьасшьоит агәабзиара, аизҳазыӷьареи шәнапы злаку аус аҿы аманшәалара!