РАШӘАРАМЗА 15 – АҲӘЫНҬҚАРРАТӘ АХЬЧАРАТӘ МАҴЗУРА АԤҴАРА АМШ АУП
АԤСНЫ АҲӘЫНҬҚАРРАТӘ АХЬЧАРАТӘ МАҴЗУРА АИҲАБЫ, АИНРАЛ–МАИОР ДМИТРИ ДБАР АМАҴЗУРА АКОЛЛЕКТИВИ АВЕТЕРАНЦӘЕИ ААМ АԤҴАРА АМШ РЫДИНЫҲӘАЛЕИТ
Рашәарамза 15 рзы рзанааҭтә ныҳәа азгәарҭоит Аԥсны аҳәынҭқарратә ахьчаратә Маҵзура аусзуҩцәа. ААМ аиҳабы, аинрал-маиор Дмитри Дбар Амаҵзура аусзуҩцәеи аветеранцәеи дрыдныҳәалеит.
АСЛАН БЖЬАНИА АҲӘЫНҬҚАРРАТӘ АХЬЧАРАТӘ МАҴЗУРА АУСЗУҨЦӘА РЗАНААҬТӘ НЫҲӘА РЫДИНЫҲӘАЛЕИТ
Ҳаҭыр зқәу аҩызцәа!
Ишәыдысныҳәалоит шәзанааҭтә ныҳәа – Аҳәынҭқарратә ахьчаратә Маҵзура аԥҵоуижьҭеи 31 шықәса аҵра.
АМЦАХАРА: АҲӘЫНҬҚАРРАТӘ АХЬЧАРАТӘ МАҴЗУРА АԤҴАРА – АТӘЫЛА АҬОУРЫХ АҾЫ АКЫР ЗҴАЗКУА ХҬЫСНЫ ИҞАЛЕИТ
Аполитикатә партиа «Амцахара» Аԥсны Аҳәынҭқарратә шәарҭадара Амаҵзура анапхгара, хаҭалатәи аилазаара, аветеранцәа Аԥсны ААМ аԥҵара 30-шықәса ахыҵра инамаданы ирыдныҳәалеит.
АԤСНЫ АҲӘЫНҬҚАРРАТӘ ШӘАРҬАДАРА АМАҴЗУРА ИҶЫДОУ АДҴАҚӘА РЫНАГӠАРАЗЫ АОТРИАД АҼАЗЫҞАҴАРАҚӘА РЦЕНТР 25 ШЫҚӘСА АХЫҴИТ
Лаҵарамза 19 рзы Аԥсны Аҳәынҭқарра Ахада Аслан Бжьаниа Аԥсны аҳәынҭқарратә шәарҭадара Амаҵзура Иҷыдоу адҵақәа рынагӡаразы аотриад аҽазыҟаҵарақәа Рцентр даҭааит. Аҳәынҭқарра Ахада Аԥсны аҳәынҭқарратә шәарҭадара Амаҵзура Иҷыдоу адҵақәа рынагӡаразы аотриад аҽазыҟаҵарақәа Рцентр 25-шықәса ахыҵра инамаданы адныҳәалара ҟаиҵеит.
АԤСНЫ АҲӘЫНҬҚАРРАТӘ АХЬЧАРАТӘ МАҴЗУРА ХАҬАЛАТӘИ АИЛАЗААРЕИ АНАПХГАРАҬАРЕИ АҞӘА АҚАЛАҚЬ АҾЫ ИДЫРЫМ АСОЛДАҬ ИБАҞА АМҴАН АШӘҬ ШЬЫҴӘРАҚӘА ШЬҬАРҴЕИТ
Аҳәынҭқарратә ахьчаратә Маҵзура аиҳабы, аинрал-маиор Дмитри Дбар зхадараҿы дыҟоу ААМ аусзуҩцәа Аџьынџьтәылатәи еибашьра Дуӡӡа аҿы Аиааира агара Амш 78 - шықәса инамаданы Аҟәа ақалақь аҿы Идырым Асолдаҭ ибаҟа амҵан ашәҭ шьыҵәрақәа рышьҭаҵара ацеремониа рхы аладырхәит.
АҲӘЫНҬҚАРРАТӘ АХЬЧАРАТӘ МАҴЗУРА АНАПХГАРА АЏЬЫНЏЬТӘЫЛАТӘИ ЕИБАШЬРА ДУӠӠА АВЕТЕРАН МАРИА ЛОМАКИНА ЛИРА АМШ ИНАМАДАНЫ ИЛЫДНЫҲӘАЛЕИТ
Аҳәынҭқарратә ахьчаратә Маҵзура аиҳабы, аинрал-маиор Дмитри Дбар инапынҵала, ААМ амаҵзуҩцәа Мариа Ломакина 95-шықәса лхыҵра лыдырныҳәалеит.
АҲӘЫНҬҚАРРАТӘ АХЬЧАРАТӘ МАҴЗУРА АУСЗУҨЦӘА АҞӘА АҚАЛАҚЬ АҾЫ ИГЫЛОУ СЕРГЕИ ДБАР ИБАҞА АМҴАН АШӘҬ ШЬЫҴӘРАҚӘА ШЬҬАРҴЕИТ
Иналукааша ар рыԥхьагыла, Аԥсны Афырхаҵа, аинрал-леитенант Сергеи Платон-иԥа Дбар диижьҭеи 77-шықәса аҵра инамаданы, Аҳәынҭқарратә ахьчаратә Маҵзура аусзуҩцәа уи ҳаҭырла дыргәаладыршәеит, аҳҭнықалақь Ахьӡ-Аԥша апарк аҿы игылоу афырхаҵа ибаҟа амҵан ашәҭ шьыҵәрақәа шьҭарҵеит.
Сергеи Дбар иналукааша ар рыԥхьагыла иакәын, иара Аԥсны жәлар Рџьынџьтәылатәи еибашьраан аԥснытәи архәҭақәа рырратә ҿагылара анапхгараҭара ихахьы игеит, иара афронт адҵаҟаҵаҩыс дыҟан, иара убас аштаб Хада анапхгаҩыс.
