АҲӘЫНҬҚАРРА АХАДА АСЛАН БЖЬАНИА АҲӘЫНҬҚАРРАТӘ АХЬЧАРАТӘ МАҴЗУРЕИ АҲӘЫНҬҚАРРАТӘ ШӘАРҬАДАРА АМАҴЗУРЕИ РНАПХГАҨЦӘА АЛАРХӘНЫ АИЛАТӘАРА МҨАԤИГЕИТ
Аҳәынҭқарра Ахада ахәаша Аҳәынҭқарратә ахьчаратә Маҵзура аиҳабы Дмитри Дбари Аҳәынҭқарратә шәарҭадара Амаҵзура ахантәаҩы Роберт Киути алархәны аусуратә еилатәара мҩаԥигеит.
АҲӘЫНҬҚАРРАТӘ АХЬЧАРАТӘ МАҴЗУРА АԤСНЫ АҲӘЫНҬҚАРРАТӘ АХЬЧАРАТӘ МАҴЗУРАХЬЫ ҾЫЦ ИНЕИЗ АРУАА РЫԤСАДГЬЫЛ ШЫРЫХЬЧО АЗЫ ҬОУБА РУИТ
Жәабран 26 рзы Аԥсны Аҳәынҭқарратә ахьчаратә маҵзурахьы ҿыц инеиз аруаа Рыԥсадгьыл шырыхьчо азы аҭоуба ашьҭаҵареи ахысратә бџьар рыҭара ацеремониеи мҩаԥысит.
Аԥсны Аҳәынҭқарратә Ахьчаратә Маҵзурахьы ҿыц инеиз аруаа ироуз абџьар кны Аԥсны Аҳәынҭқарратә бираҟи Аԥсны Аҳәынҭқарратә Ахьчаратә Маҵзура абираҟи раԥхьа игыланы, рыдҵаҟаҵаҩцәеи рнапхгаҩцәеи, иара убас рыуацәеи рҭынхацәеи алархәны Рыԥсадгьыл шырыхьчо азы аҭоуба шьҭарҵеит.
ДМИТРИ ДБАР АИНРАЛ-МАИОР ҲӘА АРРАТӘ ХЬӠЫ ИАНАШЬОУП
Аԥсны Адҵаҟаҵаҩ Хада, Аҳәынҭқарра Ахада Аслан Бжьаниа иҭижьыз Аусԥҟа инақәыршәаны, Аҳәынҭқарратә Ахьчаратә Маҵзура аиҳабы Дмитри Сергеи-иԥа Дбар «Аинрал-маиор» ҳәа изаамҭанытәиу иҷыдоу арратә хьӡы ианашьоуп. Аусԥҟа анапаҵыҩра ҟалаанӡа иара аполковник ҳәа ахьӡ иман.
АҲӘЫНҬҚАРРА АХАДА ИКОРТЕЖ АВТОМАШЬЫНАҚӘА РСАРКЬАҚӘА РЫԤШШӘАХӘЫРКРА АМХРА МҨАԤЫСИТ
Аҳәынҭқарра Ахада Аслан Бжьаниа инапынҵа анагӡара аҳәаақәа ирҭагӡаны, Аҳәынҭқарратә ахьчаратә Маҵзура аиҳабы Дмитри Дбар идҵа инақәыршәаны аҳәынҭқарратә ахьчаратә Маҵзура аусзуҩцәа Аҳәынҭқарра Ахада ихатәы хьчара ахархәараҿы иҟоу Аԥсны Аҳәынҭқарратә ахьчаратә Маҵзура Актәи аҟәша амаҵзуратә машьынақәа рыԥшшәахәыркра амхра мҩаԥыргеит.
АҲӘЫНҬҚАРРАТӘ АХЬЧАРАТӘ МАҴЗУРА АИҲАБЫ АПОЛКОВНИК ДМИТРИ ДБАР АҲӘЫНҬҚАРРАТӘ ШӘАРҬАДАРА АМАҴЗУРА АВЕТЕРАНЦӘЕИ АУСЗУҨЦӘЕИ РЗАНААҬТӘ НЫҲӘА РЫДИНЫҲӘАЛЕИТ
«Ҳаҭыр зқәу Роберт Витали-иԥа!
Аԥсны аҳәынҭқарратә ахьчаратә Маҵзура ахьӡалеи хаҭала сара сыхьӡалеи Шәареи хаҭалатәи аилазаареи аиубилеитә рыцхә – Аԥсны аҳәынҭқарратә шәарҭадара Амаҵзура аԥҵара 30-шықәса ахыҵра инадаманы адныҳәаларақәа шәыдышәкыл!
Аԥсны аҳәынҭқарратә шәарҭадара Амаҵзура аԥҵара аҳәынҭқарра ашьақәгылара иадҳәалаз иуадаҩыз аибашьрашьҭахьтәи аамҭазы имҩаԥысуан.
АԤСНЫ АҲӘЫНҬҚАРРАТӘ АХЬЧАРАТӘ МАҴЗУРА АУСЗУҨЦӘА АРЕЗЕРВИСТЦӘА АЛАРХӘНЫ АЗЫҞАҴАРАҚӘА МҨАԤЫРГЕИТ
Аҳәынҭқарратә ахьчаратә Маҵзура аусзуҩцәа Аҟәеи Гәдоуҭеи рҟынтәи арезервистцәа рзы азыҟаҵарақәа мҩаԥыргеит.
Арратә ҽазыҟаҵарақәа рцашьа дахылаԥшуан Аҳәынҭқарратә ахьчаратә Маҵзура аиҳабы Дмитри Дбар.
АҲӘЫНҬҚАРРАТӘ АХЬЧАРАТӘ МАҴЗУРА АԤСНЫ ЖӘЛАР РЕИЗАРА-АПАРЛАМЕНТ АДЕПУТАТЦӘА АЛАРХӘНЫ АЗЫҞАҴАРАҚӘА МҨАԤНАГЕИТ
Аҳәынҭқарратә ахьчаратә Маҵзура аусзуҩцәа Жәлар Реизара-Апарламент адепутатцәа рзы азыҟаҵарақәа мҩаԥыргеит. Ас еиԥш аԥшьгара ала амз алагамҭазы иқәгылеит ажәлар рҿахәы аҳәаразы иалырхыз ахаҭарнакцәа.
Аҳәынҭқарратә хьчаратә Маҵзура ахысразы аинструкторцәа адепутатцәа ирызнаргеит атеориатә хәҭа, анаҩс ииасит апрактикатә хысрақәа рахь. Азыҟаҵарақәа ахысырҭаҿы амцабџьар ала аибашьра азы аҽазыҟаҵара аҩаӡара ашьҭыхразы ихымԥадатәиуп.
