АСЛАН БЖЬАНИА АҞӘА АҚАЛАҚЬ АҾЫ АТЕРРОРИСТҾАГЫЛАРАТӘ ЗЫҞАҴАРАҚӘА ДЫРҬААИТ
Аԥсны Аҳәынҭқарра Ахада, Аԥсны Аҳәынҭқарра Арбџьар мчқәа рыдҵаҟаҵаҩ Хада Аслан Бжьаниа иахьа Аҟәатәи амшынтә баӷәаза даҭааит атеррористҿагыларатә зыҟаҵарақәа АБАӶӘАЗА -2022 (ПОРТ-2022) шымҩаԥысуаз агәаҭаразы.
Аԥсны Аҳәынҭқарра амчратә еилазаарқәеи Урыстәылатәи Афедералтә Шәарҭадара Амаҵзура рзеиԥштә ҵара азырхоуп атерроризми аполитикатә екстремизми рҿагылара.
АҞӘА АҚАЛАҚЬ АҾЫ ИААТИТ ИҶЫДОУ АДҴАҚӘА РЫНАГӠАРАЗЫ АОТРИАД АҼАЗЫҞАҴАРАҚӘА РЦЕНТР
Иҷыдоу адҵақәа рынагӡаразы аотриад аҽазыҟаҵаратә база ааиртит Аҳәынҭқарратә ахьчаратә Маҵзура аиҳабы, аполковник Дмитри Дбар.
Иҷыдоу адҵақәа рынагӡаразы аотриад аҟәшеиҵа абаза Аҟәа араион Алашарбага аҳаблаҿы иҟоуп. Ари аҭыԥ аҿы 2007 шықәсазы иаатит Аԥсны Аҳәынҭқарратә ахьчаратә Маҵзура абыжьбатәи аҟәша. 2015 шықәсазы Аҳәынҭқарратә ахьчаратә Маҵзура иҷыдоу адҵақәа рынагӡаразы аотриад ахәбатәи аҟәша ҳәа ахьӡ рҿыцын. 2022 шықәсазы ари аҟәшеиҵа «Аҳәынҭқарратә ахьчаратә Маҵзура иҷыдоу адҵақәа рынагӡара знапы иану аҟәша» ҳәа ажәытә хьӡы аздырхынҳәит.
АҲӘЫНҬҚАРРА АХАДА АСЛАН БЖЬАНИА АМЧРАТӘ СТРУКТУРАҚӘА АЛАРХӘНЫ АУСУРАТӘ ЕИЛАТӘАРА МҨАԤИГЕИТ
Аилатәараҿы ареспублика аҿы ишьақәгылаз акриминагентә ҭагылазаашьеи ацәгьоурақәа рыԥхьырҟәҟәаара азы ахырхарҭа иақәшәо аструктурақәа рыла имҩаԥгахо ауснагӡатәқәеи ирзааҭгылеит.
Аиԥылара рхы аладырхәит Аҳәынҭқарра Ахада ихаҭыԥуаҩ Бадра Гәынба, Апрокурор Хада Адгәыр Агрба, Аҳәынҭқарра Ахада Иусбарҭа анапхгаҩы Џьансыхә Нанба, атәыла аҩныҵҟатәи аусқәа рминистр Вальтер Быҭәба, аиустициа аминистр Анри Барцыц, Аҳәынҭқарратә шәарҭадара Амаҵзура ахантәаҩы Роберт Киут, Аҳәынҭқарратә ахьчаратә Маҵзура аиҳабы Дмитри Дбар, Аҳәынҭқарратә Шәарҭадара Амаҵзура ахантәаҩы актәи ихаҭыԥуаҩ Ҭемыр Ахьиба.
АҲӘЫНҬҚАРРАТӘ АХЬЧАРАТӘ МАҴЗУРА АԤҴАРА, АШЬАҚӘГЫЛАРА АҬОУРЫХИ АҾИАРА АПЕРСПЕКТИВАҚӘЕИ ИРЫЗКУ АФИЛЬМ
Аҳәынҭқарратә ахьчаратә Маҵзура ашьақәгылара шымҩаԥысуаз, аструктура аԥҵара ахыҵхырҭаҿы игылаз, Аҳәынҭқарратә ахьчаратә Маҵзура аусзуҩцәа рҿаԥхьа иқәнаргыло ахыдҵақәа, насгьы Аҳәынҭқарратә ахьчаратә Маҵзура уажәтәи анапхгараҭара аусураҿы хықәкқәас иқәнаргылои ртәы аҳәоит Аԥсны амчратә структура аԥҵара 30-шықәса ахыҵра иазку афильм аҿы.
АЗИНХЬЧАРАТӘ УСБАРҬАҚӘА РКООРДИНАЦИАТӘ ЕИЛАТӘАРА МҨАԤЫСИТ
Аҳҭнықалақь апрокуратура аҿы имҩаԥысит азинхьчаратә усбарҭақәа Ркоординациатә еилатәара. Уи рхы аладырхәит Аԥсны апрокурор Хада Адгәыр Агрба, арратә прокурор Руслан Ҭарба, аҩныҵҟатәи аусқәа рминистр Вальтер Быҭәба. Аҳәынҭқарратә Ахьчаратә Маҵзура аиҳабы Дмитри Дбар, Аҳәынҭқарратә ҳазылхратә Еилакы ахантәаҩы ихаҭыԥуаҩ Мсоусҭ Шамба.
